唔使多講，大家都知我經理有幾聰明。
呢排同佢周旋緊人工嘅問題。我唔係勞工處我唔識計人工。但係有時一個月就計你返30日，有時就減咗你冇返禮拜六日，計你淨係返24日，冇左1 in 7 嘅 rest day。佢隨時搬龍門，睇吓邊個計法有着數。喺幾次極力爭取之下，佢只係當大家計法唔同，攞個中間位就算數。隻字不提佢計法有問題。又同你講其他同事都加得好少，連佢自己都加得唔多（會唔會係因為呀經理你工作表現差零貢獻？）。又同你講其實你已經本身好多咗AL假，冇得再加啦喎。又話下年應該會加返多啲嘅～～～下年我俾個官你做好唔好？
跟住呢幾排睇醫生複診多咗。已經盡量唔影響診所嘅運作，Book最遲個Appt，阻人收工俾人燒我（老公）春袋嘅複診時間。（老公唔好嬲，我冇春袋我都冇辦法🤷🏼♂️）。我偷時間臨放工前一個鐘先至仆出去複診好鬼乖啦係咪？
我盡量盡早遞假紙。張嘢我知我寫得衰。我假紙個欄淨係寫「7月18號5Pm」咁。竟然有Office人打嚟問我係唔係成日都唔番，淨係五點先返工？
我想講我係 放．6．點！！！！！！！咁係唔係我全日都攞咗假，但我淨係返嚟返一個鐘頭呢？我想講呢個問題佢已經問過一次。上次第一次咁寫你要問清楚，Fine。我以為你今次會明啦，我錯。今次再咁寫，你都係要打落嚟。難道我真係寫5-6Pm你先至明白？天呀～～～ 放我出去斬死佢！🤯🤯🤯🤯🤯
～～～～
要睇返啲食物相平衡返心理～～
上個禮拜有人請食飯，超級貴Buffet！好好好好好好食！
不過我覺得芒果糯米糍唔擺金箔，跟住你每位計平啲我會開心啲。
#食咗10隻鮑魚
Search